BUTUAN CITY – Mi-abot sa napulo ka mga tawo ang patay sa usa ka duguong mass shooting sa usa ka eskwelahan sa British Columbia, Canada kaganina, oras sa Pilipinbas, base na sa pagkumpirma sa Royal Canadian Mounted Police.
Ang gunman nakit-an usab nga patay na ug gituohang ang iyang samad, mugna sa iyang kaugalingon kon self-inflicted. Base sa report, nasuta nga ang suspek usa ka babaye nga nagsul-ob og bestida ug adunay kolor brown nga buhok.
Unom ka patayng lawas sa mga biktima ang nakaplagan sulod sa Tumbler Ridge Secondary School, duha pa ang narekober duol sa usa ka residential property, ug usa ang namatay samtang gidala paingon sa ospital.
Human sa insidente, gisirad-an ang Tumbler Ridge Secondary School ug Tumbler Ridge Elementary School sulod sa tibuok semana.
Samtang, nagpa-abot na og pahasubo si British Columbia Premier David Eby ngadto sa pamilya sa mga biktima sa makalilisang nga trahedya ug misaad og suporta alang sa mga apektadong komunidad.
