BUTUAN CITY – Misaka og 32% ang mga kaso sa tipdas ug rubella kon hangin-hangin sa Pilipinas niadtong 2025, base sa pinakabag-ong datos sa Department of Health (DOH).
Gikan Enero hangtod Disyembre sa miaging tuig, misaka ang mga kaso ngadto sa 5,123 gikan sa 3,880 ka kaso nga natala niadtong 2024.
Sumala sa DOH, kapin sa katunga sa mga natakdan sa sakit mga bata nga nag-edad og 5-anyos paubos, lakip na ang mga wala pa mulapas og unom ka bulan ang edad.
Ang kadaghanan sa mga kaso kansa milangkob sa 73%, wala nabakunahan batok sa tipdas kondiin niadtong Disyembre lamang, adunay 405 ka dugang nga kaso sa tipdas ang natala.
Tungod sa pagsaka sa mga kaso sa maong sakit, gidasig sa DOH ang mga ginikanan nga pabakunahan batok sa measles ug rubella ang ilang mga anak sa pinakaduol nga health center.
Ang kala-inan sa rubella mao ang matang sa virus nga hinungdan sa sakit tungod kay ang tipdas, gitawag usab nga German measles, gikan man sa rubella virus samtang ang tipdas nga nailhan usab nga measles, mugna usab sa virus gikan sa paramyxoviridae family.
Pareho kining mga sakit nga makatakod pinaagi sa hangin, diin mokatag ang virus human mu-ubo o manghatsing ang usa ka tawo nga aduna niini.
Gipahibalo usab sa ahensya ang pagsugod sa usa ka nationwide immunization program nga nagtinguha nga mabakunan ang 11-milyones ka mga batang Pilipino nga sugdan sa Mindanao, tungod kay dinhi makita ang mga rehiyon nga adunay pinakataas nga ihap sa bag-ong mga kaso sa tipdas ug rubella.
Apil sa mga rehiyon ang Zamboanga Peninsula, Northern Mindanao, SOCCSKSARGEN, ug Bangsamoro Autonomous Region in Muslim Mindanao (BARMM).
Magsugod ang programa sa DOH nga gitawag og “Ligtas-Tigdas” sa Enero 19 sa Mindanao, ug mosunod ang Luzon ug Visayas sa Hunyo.
