-- ADVERTISEMENT --
BUTUAN CITY – Nagpa-abot sa iyang kinasing-kasing nga pagtimbaya ngadto sa tanang mga tigpaminawan ug viewers sa Bombo Radyo ug Star FM stations sa tibuok nasud, si Most Reverend Gilbert Garcera, ang arsobispo sa Lipa ug kasamtangang presidente sa Catholic Bishops’ Conference of the Philippines kon CBCP.
Sa iyang video message, nanghinaut si Archbishop Garcera nga unta ang diwa sa Pasko, mupatigbabaw sa kasing-kasing sa matag-usa kanato ug mahimong giya sa atong inadlaw-adlaw nga gimbuhaton.
Pinaagi usab niini nga kasa-ulugan, nanghinaut ang obispo nga unta madala nato ang kalinaw, hustisya ug kaluoy sa Diyos diha sa atong katilingban.
