BUTUAN CITY – Desisyunan pa sa pamilya Concon kung mupasaka og kaso batuk sa driver sa trailer truck nga nakaligis-patay kang Roberto Concon, minyo, residente sa Purok 3, Brgy. Matabao, lungsod sa Buenavista, Agusan del Norte.
Migawas sa inisyal nga imbestigasyon nga padulong unta si Concon sa Brgy. Manapa sakay sa iyang motorsiklo angkas ang bayaw niining si Ronnie Ambora nga tga-Brgy. Baan Riverside ning siyudad sa Butuan.
Mag-ayo unta matud pa ang biktma og cellphone apan pag-abot sa national highway sa Brgy. Manapa, nasabod ang manibela sa motorsiklo ngadto sa kilid sa teailer truck hinungdan sa pagkalagpot sa biktima nga nalatayan sa trak nga misangpot sa pagkapisat sa iyang ulo.
Anaa na sa kostudiya sa kapulisan sa maong lungsod ang nasangpit nga trak ug ang driver niini nga si Eddie Pableo, taga-Surigao City.
