BUTUAN CITY – Nagbangotan karun ang pamilya sa iladong kampeon sa motorcross racing human kini nakabsan sa kinabuhi tungod sa pagka-aksidente samtang nagbansay alang sa salmotang kompetisyon sa may lungsod sa Carmen Agusan del Norte.
Nasayran nga niadtong buntag sa martes, Hulyo 16, nagpahigayon ug pagbansay si Jhonkim Portes Peligrino, mag-18-anyos unta sunod semana, nga taga Purok 16, Brgy. San Vicente ning siyudad sa Butuan, sa Barangay Poblacion sa lungsod sa Carmen alang sa kompetisyon pagkahapon.
Apan aksidenting mipalyar ang iyang gimanehoan nga motor sa dihang gipa-gamba niya kini rason nga maayong pagka-momo sa iyang dughan ug tiyan ngadto sa manubela.
Dali siya gidala sa pribadong ospital ning siyudad sa Butuan diin walay nakitang grabe nga damyos sa iyang lawas apan wala na siya makadayun pa sa kompetisyun pagkahapon.
Pagka-ugma sa mga alas 12:00 sa udtu, kalit nga misakit ang iyang tiyah ug dughan rason nga gitabang kini ug gidala sa pribadong ospital apan pag-abot sa alas 3:00 sa hapon, nakabsan kini sa hinulamang kinabuhi.
Sa eksklusibong pakighinabi ning sibyahan sa ig-agaw sa biktima nga si Arjay Matundo, gibutyag niini nga internal haemorrhage’ang gikamatyan sa biktima.
Nasayran usab nga bag-ohay lang mikampeon ang biktima niadtong Hunyo sa Motorcross racing sa Naliyagan Festival sa Agusan Del Sur.
