BUTUAN CITY – Gikumpirma ni John Mark Arquiza, sa Coastguard sub-station-Cantilan nga dunay sakay nga mga New Zealanders ang tourist boat nga mitiklaob human nakabangga ang laing motorbanca sa bisinidad sa kadagtaa sa Cantilan, Surigao del Sur sa nakalabay nga adlaw.
Hinoon gibutyag sa opisyal nga walay casualty sa maong insidente diin duna lay usa nga na-angol asong gidala sa balay tambalanan.
Kusog matud pang nagpadagan ang motorbanca nga dunay kargang mga plywood og nipa padulong ngadto sa General Luna sa dihang nakasugat nila ang bangka nga puno sa torista.
Wala matud pa nakakita ang kapitan sa motorbanca tungod sa mga karga niini samtang wala usab nakadungog bisan og gisinggiitan na kini sa tourist boat nga maoy hinungdan sa pagkabangga sa duruha sakyanan.
Na-atol usab nga nag-patrolya ang Coastguard sub-station cantilan rasong sila mismo ang nakakita sa insidete og sulod sa 10-minutos na-rescue nila ang 23 ka mga indibiwal lakip na niini ang 16 ka pasahero.
Hinoon nagkasinabot na ang duha ka panig nga isig gasto nalang sila paayu sa mga nadamyos nga sakyanan.
Subay niini, hugot ang pahimangno sa mga operator sa bangka nga kanunay mohimo og precautionary measure aron malikayan ang susamang panghitabo.
