BUTUAN CUTY – Gikumpirma ni PO3rd Dominic Degamo sa Philippine Coast Guard-Surigao City, nga naluwas ang tanang 37 ka mga pasahero sa motorbanca nga ‘MV DRANREB EXPRESS’ human mitikla-ob sa kadagatan sa Surigao kaganinang alas-6:40 sa buntag.
Sa eksklusibpng interview sa Bombo Radyo Butuan, gipadayag ni Degamo nga gikan pa sa Roxas Island sa lungsod sa Basilisa sa lalawigan sa Dinagat Islands ang motorbanca nga duna’y capacity nga 84 ka mga pasahero og padulong unta sa mainland Surigao dihang gihapak sa mga dagkong balud nga dala sa bagyong Domeng hinungdan sa pagtikla-ob niini.
Daling naluwas sa mga sakop sa PCG-sub station sa lungsod sa Basilisa ang mga pasahero samtang ang uban, naluwas usab sa mga misunod kanilang mga kabanay hinungdan nga silang tanan, nakabalik na sa maong isla. (Beth Ruiz)
