BUTUAN CITY – Naduso na sa NAGKAISA Labor Coalition ngadto sa Supreme Court kagahapong adlawa ang mosyon alang sa pagbabag sa pag-transfer sa 89.9-bilyunes pisos nga reserbang pondo sa Philippine Health Insurance Corporation kon PhilHealth ngadto sa National Treasury, bitbit ang social injustice grounds.
Sumala ni Atty. Sonny Matula, chairman sa NAGKAISA Labor Coalition, gihimo nila kini kauban ang nagkada-iyang trade unions sa nasod arun maprotektahan ang pondo sa kinatibuk-ang publiko sa Pilipinas nga ilang membro. Lakip sa mga giduso sa nasangpit nga grupo ang motion to intervene, kansa nagsuporta sa gi-asdang ni Sen. Koko Pimentel nga petition for certiorari isip pagbabag sa transfer of funds; ingon man ang pagpangayo og Temporary Restraining Order kon TRO arun dili madayon ang nasangpit nga lakang.
Dugang ni Atty. Matula, sa maong reserve fund, Php30 billion na ang na-transfer ngadto sa National Treasury. Giklaro usab sa abogado nga ang pondo nga mabalhin gikan sa Philhealth alang lang sa mga unprogrammed appropriation, o mga proyekto nga walay sources of funding. Alayon niini, gusto lamang sa maong grupo nga libre na ang hospitalization expenses sa mga Pilipino.
