BACOLOD CITY – Ginabalay na ni anay Bayan Muna Representative Neri Colmenares ang motion for reconsideration angot sa desisyon sang Korte Suprema nga nagapahanugot sa pagpalubong kay anay Presidente Ferdinand Marcos sa Libingan ng mga Bayani.
Suno kay Atty. Colmenares, ginhatagan sila sang 15 ka adlaw humalin sang nabaton ang desisyon sang Korte Suprema agud mag-file sang motion for reconsideration kag may yara sila sang tubtob sa Nobyembre 26.
Ginpanindugan sini nga indi mahimo malubong si Marcos sa Heroes’ Cemetery tubtob indi ma desisyunan ang MR bangud malapas sini ang right to due process sang mga biktima sang paglapas sang tawhanon nga kinamatarong sadtong tion sang Martial Law.
Samtang, ginpanindugan man ni Colmenares nga nagtalang ang Korte Suprema sa pagpahanugot nga malubong sa LNMB si Marcos bangud santu sa layi, ang mga dungganon kag dalayawon lamang nga presidente ang mahimo malubong diri.
