BUTUAN CITY – Giasdang ang motion for reconsideration sa kampo ni Pastor Apollo Quiboloy karong adlawa sa Pasig Regional Trial Court Branch 159, kini arun tugutan nga magpundo una sa kustudiya sa kapulisan sila si Jackielyn Roy, Cresente Canada, Ingrid Canada, ingon man Sylvia Cemanes.
Sumala ni Atty. Mark Tolentino, abogado ni Quiboloy, nga naluoy matud pa sila sa Pastor nga siya rang usa ang mabilin sa custodial center sa PNP ug wala man lay maka estortya.
Sumala sa abogado nga maayo na lamang kung makauban sa maong Pastor ang nasangpit nga mga indibidwal, duna pa kini maka estorya bisan man lang og pinaagi ra sa pagsininggitay arun man lang usab duna kini maka-kumosta. Kini lamang matud pa ang pamaagi nila Pastor Quiboloy arun dili laayon, ilabi na nga dili man lang gani kini tugtan nga magpatugtog og mga religious songs.
Ang pamahayag ni Atty. Mark Tolentino, legal counsel ni Quiboloy.
Una nang gianunsyo nga nag desissyon ang Pasig Regional Trial Court nga ibalhin ang upat ka mga kaubanang akusado sa Pastor sa Pasig City Jail. Samtang magpabilin usab sa Custodial Center sa Philippine National Police (PNP) si Quiboloy samtang pending pa ang resolution para sa motion for reconsideration nga giasdang sa kampo niini, lakip na usab ang gihangyo nila nga hospital arrest tungod sa gihambin niining sakit.
Sa kasamtangan, ipailawom pa si Quiboloy sa paghiling sa government Doctor base na usab sa kamanduan sa korte arun masayran ang medical condition niini.
