BUTUAN CITY – Malampusong napahigayon kagabie ang welcome dinner and Socio-Cultural Night alang sa Canonical Possession & Installation ni Most Rev. Ruben Labajo, isip unang Obispo sa Diocese of Prosperidad.
Gihimo kini sa Datu Lipus Makapandong Cultural Center, sa Democrito O Plaza Government Center, sa lungsod sa Prosperidad, Agusan Del Sur diin daghang mga debotong Katoliko gikan sa nagkalain-laing mga kongregasyon ug lugar ang mitambong, ilabina ang mga pari, madre, laymen, ug mga obispo.
Gipangunahan ang maong welcome dinner ni Agusan del sur Governor Santi Cane, Jr., ug ipahigayon ang aktwal nga pag-instalar sa Obispo karong adlawa Enero 28, sa St. Michael the Archangel Cathedral sa Poblacion, Prosperidad.
Sumala ni Rev. Father Daryl Glenn Tatoy, ang tigpamaba sa Diocese of Butuan, plastado na ang mga na-assign sa bag-o nga parokya.
Si Rev. Father Glenn Tatoy, ang tigpamaba sa Diocese of Butuan. Lauman usab ang presensya ni Papal Nuncio Charles Brown atul sa pag-instalar kang Bishop Labajo karong adlawa.
