BUTUAN CITY – Pangunahan sa mga Muslim leaders ning rehiyon sa Caraga pinaagi sa National Commission on Muslim Filipinos kon NCMF-Caraga ang ipahigayon nga moon sighting karong adlawa Pebrero 28, agig preparasyon sa balaan nga bulan sa Ramadan nga gilauman nga magsugod ugmang adlawa, Marso 1.
Sumala ni Caraga Sultanate Gamal Amerol, ang moon-sighting maoy mudetermina sa pagsugod sa Ramadan, ang sagrado nga bulan sa pagpuasa, pag-ampo ug spiritual reflection nga gi-obserba sa mga Muslim sa tibook kalibutan.
Sa panahon sa Ramadan, ang mga hamtong bawal nga mu-inom, mukaon ug mulambigit sa lawasnon nga kalipay gikan sa pagsidlak ug adesir ang pagsaop sa adlaw. Karon usab ang panahon alang sa pagpalapad sa debosyon pinaa sa pag-ampo, Qur’an recitation, kondiin ang mga maayong buhat maoy sentro sa tanan.
Ang pamahayag ni Caraga Sultanate Gamal Amerol. Subay niini gisaysay usab ni Bombo International Correspondent sa Kuwait Annarose Lajera, nga mabag-o na gayud ang eskedyul sa mga Kuwaiti matag-Ramadan, butang nga ilang gipangandaman ilabina nga usahay, duna usay mga bisita ang ilang mga amo nga muslim.
Si Annarose Lajera, Bombo International Correspondent sa Kuwait.
