BUTUAN CITY – Gisugdan na sa Department of Trade and Industry kon DTI-Agusan Del Norte ang monitoring sa presyo sa mga school supplies alayon na sa nagkadool nga pag-abli sa klase.
Sigon ni Wyn Palma-Hepe sa Consumer and welfare division sa nasangpit nga buhatan, gihimu nila ug weekly kon senemana ang pagmonitor sa mga gamit pang-eskwela nga gisugdan ning semanaha hangtud na sa pag-abli sa klase karung Hunyo.
Apan sa pagkakarun, giklaro ni Palma nga wala pay nakitang paglihok sa presyo diin nakabase pa kini sa nakalabay’ng tuig.
Naglaum nalang kini nga walay magpahimulos sa panahon pinaagi sa sobra nga pagsaka sa presyo.
Gihimangnoan nalang sa opisyal ang mga ginikanan nga susihon pag-ayu ang kalidad sa palitong school supplies nga mas maayong sulayan una adiser paliton.
