BUTUAN CITY – Istrikto na ang monitoring sa mga kaso sa Mpox sa Epidemiology and Surveillance Unit ning Rehiyon. Sumala ni Dr. Dioharra Aparri, head sa Health Program Support Team sa DOH-Caraga, mahimo gilayong aktibo ang tanan nilang operations centers higayong dunay ma-detect nga escalations o kaha clustering sa kaso sa mpox.
Hinuon giklaro sa opisyal nga sa kasamtangan, wala pa’y na-detect nga kaso sa mpox ning rehiyon ug padayon ang ilang koordinasyon sa National Level alang sa early detection sa nasangpit nga sakit. Saysay sa opisyal, istrikto na usab ang tanang mga point of entries ning rehiyon kondiin nakig-alayon sila sa Bureau of Quarantine aron dili na musamot pa og kaylap ang nasangpit nga sakit.
Bisan pa man niini gipahimangnuan ni Dr. Aparri ang mga dunay partner nga taga-laing nasod ilabina niadtung mga nagpoitibo sa nasangpit nga virus nga kinahanglang apil silang i-monitor.
