BUTUAN CITY – Nakadawat og Bomb Disposal Robot isip donasyon ang Agusan del Sur Police Provincial Office Explosive Ordinance Disposal and K9 Group.
Gipresentar atol sa flag raising ceremony sa nakalabay nga buntag sa mga empleyado sa probinsyal nga panggamhanan sa Agusan del Sur ang moderno og high-tech nga EOD Robot nga gidonar sa U.S. Department of State Antiterrorism Assistance Program sa tinguha nga matabangan ang kapulisan mapalambo ang kapasidad sa counterterrorism measures niini.
Sigon ni EOD K9 Team Leader Alexander Fazon Jr, nga swerte silang nakadawat niini nga kahimanan human usab sa ilang mga gisubmiteng report diin ang Agusan Del Sur nahimong hotspots sa IED Incidents sama sa pagkarekober, pag-turnover sa bomba nga mugna walhong kalihukan. Adiser matud pa kini gi-turnover ngadto kanila, mipailalom usa siya kauban ang laing upat pa gikan sa Caraga, sa training ngadto sa kauluhan adiser nag-refresher course sa Zamboanga City sulod sa usa ka semana.
Ang maong robot dunay kapasidad nga ibalhin ang suspected item gikan sa usa ka lugar padulong ngadto sa luwas nga lugar alang sa disposal.” Dugang ni Fazon nga imbis tawo ang moduol nga delikado kaayo, ang robot na ang muduol sa IED o unattended package.
Nasayrang lima lang ka EOD Robot nga gidonar sa US dinhe sa Pilipinas diin ang matag-usa kung paliton nagkantidad og 8-milyones ngadto sa 13 milyones ka pesos.
