BUTUAN CITY – Dugang tulo ka mga personahe gikan sa Bureau of Immigration (BI) ang gitaktak sa serbisyo tungod sa gika-ingong paghatag og special treatment ngadto kang Russian vlogger Vitaly Zdorovetskiy atol sa iyang pagpuyo sa detention facility sa BI, base na sa pagkumpirma ni Palace Press Officer Claire Castro.
Sigon ni Castro, nagsubmite na sa iyang courtesy resignation ang warden ug gidawat na kini samtang ang duha niya ka mga deputy wardens, gitaktak na usab gikan sa ilang pwesto.
Saysay pa ni Castro, sa sinugdanan, tulo ang gitangtang ug nadugangan pa kini og laing tulo apan wala niini gibutyag ang ilang mga pangalan.
Gihimo ang maong lakang human ang pagpa-deport kang Zdorovetskiy, niadtong Enero 17, kondiin na-trace ang iyang gipang-post nga mga hulagway ug mga videos nga kuha niya samtang anaa pa siya sa kostudiya sa mga local authorities.
Atol sa iyang livestreamed conversation tali sa American online personality nga si Adin Ross niadtong Enero 23, gipadayag ni Zdorovetskiy nga duna siya’y cell phone sa entiro panahon nga anaa siya sulod sa prisuhan rason nga iyang na-vlog ang iyang kinatibuk-ang kasinatian ug nagbahad pa nga iyang ibulgar ang kurapsyon nga natigayon.
Dugang pa niini, makahimo ang tanan kung duna la’y kwarta tungod kay ‘money talks’ matud pa dinhi sa Pilipinas.
Dihang naka-istorya ni Castro ang taga-BI, gipadayag ni Castro nga gitugutan lang si Zdorovetskiy paggamit og cell phone kung gusto niining makig-istorya sa iyang pamilya dayong klaro nga gidid-an kini paggamit sa iyang cell phone aron pagkuha og mga videos ug kini nga mga insidente padayon pang gi-imbestigahan.
Madumdumang naaresto si Zdorovetskiy niadtong Abril 2025 tungod sa dili niini maayong taas apil na ang pag-harass sa usa ka security guard ingon man pagmaneho og traysikol nga iya rang gibangga ngadto sa nakaparada nga dyip.
Gideklara na siyang usa ka undesirable alien ug gi-deport na usab ngadto sa Russia niadtong Enero 17 ning tuiga.
