BUTUAN CITY – Nadugangan karon ang tensyon sa Palasyo sa Malakanyang ug sa Kongreso human gipagawas kaganinang buntag ni resigned Ako Bicol partylist Rep Zaldy Co ang part II sa iyang exposé nga nagpakita sa matud pa, mga dokumentong nagmando kaniya nga isingit ang ₱100 bilyon sa 2025 national budget.
Sa maong video, gipadayag ni Co nga mi-agi kang Budget Secretary Amenah Pangandaman ang kamanduan nga gikan mismo sa Pangulo. Sa maong expose, gikwestyon ni Co ang pagpalimong-limong sa pangulo kalabot sa maong insertions sa mga proyekto nga gimando kaniya sa Bicam kondiin siya mismo ang nangutana kang Romualdez isip clearance sa maong kamanduan.
Ang tanan matud pang gikuha ug gidugang sa mga ahensya sa gobyerno, nangayo og approval si Budget Sec Amenah Pangandaman ngadto sa pangulo adiser nila gitapos ni senador Chiz Escudero atol sa Bicam.
Gipadayag pa niini nga ang tanang insertions sa pundo, napadulong ngadto nila Pangulong Bongbong Marcos ug Rep Martin Romualdez ug wala’y naka-abot kaniya.
Ang maong kwarta, gi-deliver matud pa sa iyang mga tawo ug security personnel ngadto sa balay sa manag-agaw sa North Forbes Park, South Forbes Park hangtud na sa Malakanyang.
Duna matud pa’y record ang iyang mga sakop sa mga gipanghatud nga kwarta dayong kumpirma nga tinuod ang gisulti sa resource person sa Senate Blue Ribbon Committee nga si Orly Guteza nga nakahatud kini og minaletang kwarta.
