BUTUAN CITY – Gipahigayon kaganinang buntag ang usa ka Memorandum of Agreement kon MOA signing sa MJ Santos Hospital tali sa maong pribadong balay-tambalanan og Maharlika Charity Foundation. Kini may kalabutan sa clubfoot management og rehabilitation program.
Sigon ni Dr. Benedict Edward Valdez, presidente sa Maharlika Charity Foundation, malipayon siya sa pakig-partner sa MJ Santos tungod kay kini ang ilang misyon nga madala ang hospital ngadto sa katawhan diin libre na ang pagpa-ayo sa mga batang dunay clubfoot kon bawog nga mga tiil.
Sumala pa ni Dr. Valdez nga tungod sa maong MOA Singning, magtukod sila og clubfoot clinic diin ang tanang mga bata nga duna sa maong sakit, libreng ma-atiman hangtud nga kini maayu.
Pasabot pa sa doktor nga daghang factor ang hinungdan sa maong kondisyon sa panglawas apan posible kining makalakaw pagbalik pinaagi sa casting og bracing.
Lakip sa libre nilang ihatag ang brace nga kung paliton nagkantidad kini og 50-mil pesos. Tungod kay davao-based ang Maharlika Charity Foundation, nagbutang sila og project coorinator sa Caraga pinaagi ni Carlito Co.
Kinahanglan usab nga ang mga batang dunay clubfoot ma-refer ngadto sa klinika aron matabangan.
