BUTUAN CITY – Gi-andam na ang kasong ipasaka batuk sa miyembro sa Sanguniang Kabataan kon SK human nasikop sa buybust operation kagahapon sa alas 12:30 sa udtu sa may P-1, Brgy. 5, Cabadbaran City, Agusan Del Norte.
Naila ang nadakpan nga si Harley Kieth Ofamin, 21 anyos, ulitawo ug sakop sa Sangguniang Kabataan sa Rosario Lungsod sa Magallanes, Agusan del Norte.
Nakumpiska sa posisyon sa suspek ang gitoohang shabu nga mitimbang og 17 gramos og market value nga 200-mil 600 pesos.
Gihimu ang operasyon sa hiniusang puwersa sa PRO 13 og Cabadbaran City Police Station sa usa ka dakong grocery store diin nagpositibo sa drugas ang dala niini nga package.
Sa karun gipakisayran pa sa kapulisan kung asa gikan ang maong droga. Gikustudiya na sa Cabadbaran City Police Station ang suspek alang sa tukmang disposasyon.
