BUTUAN CITY – Giturn-over na ngadto sa kapulisan sa Kitcharao, Agusan del Norte ang Improvised explosive device kon IED og mga gamit panghimo og bomba human kini nakumpiska gikan sa gironda nga miyembro sa Militia ng Bayan.
Mahinumduman nga niadtong nakalabay nga adlaw, Disyembre 16, sa alas 9:15 sa gabii, gi-implementar ang search warrant sa kalapasan sa RA 9561 sa may Purok 6, Brgy. Jaliobong, Kitcharao, Agusan del Norte.
Kini batuk na sa suspek nga si Ariel Sarida Azucena, hingkod ang pangedaron og residente sa maong dapit.
Gihimo ang operasyon sa mga ginsakpan sa Kitcharao Municipal Police Station, Agusan del Norte Police Provincial Office kauban ang 2nd Provincial Mobile Force Company ug 29 Infantry Battalion, Philippine.
Nakumpiska ang us aka IED og mga paraphernalia sa paghimo og bomba sama sa 2 ka sako nga ammonium sulfate, 52 metros nga electrical wire, duha ka electric blasting cap ug usa ka military multi tools.
