(photo creditL Charlene Guizo)
BUTUAN CITY – Isuspende sa Philippine Coast Guard kon PCG ang mitikla-ob nga motorbanca nga Danrev Express sa may Surigao Strait kagahapon kansa maoy gisakyan sa 37 ka mga pahasero, unom ka mga tripolante og sa boat captain nga si Danilo Tomaquin.
Sa eksklusibong interview sa Bombo Radyo Butuan, gipadayag ni PCG officer 2 Sherwin Imperio sa PCG sub Station Basilisa, Dinagat Island, gidangop kanila sa usa ka Carolina Echin ang maong hitabo base na usab sa tawag sa usa sa mga pasahero niini nga iyang kabanay nga si Catherine Echin.
Dali nila kining girespondehan gamit ang 2×4 nga aluminum boat hinungdan nga naliwas gilayon ang tanang mga sakay niini.
Base sa imbestigasyon sa coast guard, nabuslot ang atubangang tuong bahin sa human gihapak sa kahoy nga nadungan usab sa mihapak nga dagkong balud.
Sa pagkakaron, naka-uli na ang tanang mga pasahero og nadala na usab sa pangpang ang motorbanca. (Melody Valledor)
