BUTUAN CITY – Patay nang napalgan sa Tuba, Benguet ang 38-anyos ang nawalang empleyado sa University of the Philippines (UP-Diliman), nga katapusang nakit-ang buhi niadto pang Hunyo.
Gitu-uhan sa kapulisan nga brutal ang kamatayon sa biktimang si Irene Melican ug sunod nga napalgan ang iyang sakyanan, pipila ka mga gamit sama sa cell phone ug credit card.
Niadtong Hulyo, gi-aresto sa mga sakop sa National Bureau of Investigation-National Capital Region (NBI-NCR) ang hinigugma sa biktima nga maoy suspek sa pagkawala ni Melican kinsa gitu-uhang gidagit hangtud nga nakit-an ang patay’ng lawas niini sa Tuba, Benguet nga wala nay sapot ug duna’y grabeng daut sa lawas.
Sigon ni NBI-NCR Regional Director Ferdinand Lavin, nag-match ang DNA sa biktima ngadto sa mga samples ug sa mga reference materials nga nakuha gikan sa mga ginikanan sa biktima rason nga sirado na ang kaso.
Sigon sa NBI, nakita matud pa ang suspetsado ug ang biktima nga nagka-uban sa sakyan ni Melican niadtong June ug mibiyahe sa Agoo, La Union adiser mi-adto sa Benguet.
Base sa medico-legal report sa Philippine National Police ug re-autopsy sa NBI sa patay’ng lawas sa biktima, brutal nga kamatayon ang iyang nahi-aguman tungod sa traumatic blunt injuries sa iyang dughan ug li-og ukg nabali pa ang iyang ribs sa walang parte sa iyang lawas.
