BUTUAN CITY – Pursigido ug determinado ang pinaka unang napili sa kasysayan sa Butuan isip Miss Universe-Philippines Butuan nga si Jadine Lezz Banagan. Kini ang nakita sa franchiser sa maong pageant platform nga si Edezel Ron Macion sa nasangpit nga kandidata. Sumala niini nga taliwala pa man sa kadako pa sa ilahang kinahanglanon nga salapi alang sa umalabot nga national pageant karong Abril kansa kasagarang modagan pa og tulo ka semana, wala gihapon nila kini baliha sa ilahang team tungod sa ka excited human nga sulod sa pila ka katuigan, duna na gayuy Butuanon nga matawag nga Miss Universe Philippines Butuan.
Gani, gipangpili pa isip team ni Jadine ang pianaka mga bangiitan nga make-up artist ug mga fashion designer, ug mga pasarela trainers ning dakbayan Butuan alang sa preparasyon niini.
Saad ni Macion nga ilahang paningkamotan nga dili mag mahay ang mga Butuanon nga sila ang nag hawid sa nasngpit nga plataporma arun maka manso og bag-ong Reyna sa Butuan.
Dugang niini nga bugtong ang Question and answer nalang ni Jadine Karon ang ilahang ginatutokan tungod kay gawas niini, lihero naman ang maong kandidata, agi na usab sa ka daghang pageant nga naapilan niini. Giawhag usab ni Macion ang mga Butuanon nga suportahan si Jadine sa Miss Universe Journey niini.
Kahinumduman nga Napili isip representante sa dakbayan sa Butuan alang sa Miss Universe-Philippines competition nga himoon karong Abril sunod tuig si Jadine Lezz Banagan.
Una usab kining naila isip batikang modelo ug anad na usab kini sa mga beauty pageants. Usa sa mga kasamtangan nga kalampusan niini mao ang pagsakmit sa Mutya Hong Butuan – Ambassadress of Youth and Education 2024 nga titulo niadtung Mayo ning tuiga.
