BUTUAN CITY – Puno sa garbo si Miss Nigeria Chidimma Adetshina, human nahimong 2nd runner-up sa Miss Universe competition, ug maoy napiling Miss Africa and Oceania. Gipadayag niining proud kaayo siya sa iyang kaugalingon ilabina nga nakahimo siya og kasaysayan sa maong pageant human nga nabentahaan lang og dyutay ni Miss Denmark Victoria Kjær Theilvig.
Si Adetshina original nga mi-compete sa Miss South Africa contest, tungod kay natawo ug nagdako siya sa maong nasud apan nahimo siyang subject sa trolling ug xenophobic abuse tungod kay Nigerian man ang iyang amahan.
Ning mi-aging buwan, gibutyag sa mga South African authorities nga tangtangan nila siya og identity papers, tungod sa mga alegasyon nga ang iyang inahan nga duna’y kaliwatan sa mga Mozambicans, nakakumitar og identity fraud aron lang makakuha og South African nationality kondiin wala mihatag og bisan unsang komento kalabot niini si Adetshina, bisan ang iyang inahan.
Apan giklaro sa mga South African authorities nga wala’y labot sa maong alegasyon si Adetshina tungod kay puya pa man siya niadtong higayuna. Human sa kontrobersiya sa South Africa ug mga pagduda sa iyang nationality, mi-compete gihapon siya sa Miss Nigeria kondiin midaog siya rason nga napadala siya sa Miss Universe contest nga gipahigayon sa Mexico City.
Ang midaog usab sa Miss South Africa nga si Mia le Roux, mi-atras sa Miss Universe ning mi-aging semana tungod matud pa sa iyang medical condition. Siya ang unang bungol nga babaye ng nahimong Miss South Africa.
