BUTUAN CITY – Nagmalampuson ang immersion community activity sa mga kandidata sa Miss Earth 2019 didto na sa lungsod sa Loreto, Agusan del Sur kagahapong adlawa.
Sa eksklusibong pakighinabi sa Bombo Radyo Butuan, gipadayag ni Governor Santiago ‘Santi’ Cane, nga 30 ka mga kandidata sa Miss Earth 2019 gikan sa nagkada-iyang nasud ang mibisita sa nasangpit nga lungsod tungod sa Agusan Marsh nga maoy pinakadakong catch basin sa fresh water sa Mindanao ug usa sa pinakadako sa Asya kansa mahinungdanonag mapreserba gikan sa nasinatian karong global warming.
Gidugok sa bagang duot sa katawhan gikan sa nagkalain-laing lugar sa Caraga ingon man sa Compostela Valley ang Welcome Program alang sa mga kandidata.
Gipahigayon usab nila ang tree planting activity sa Barangay Walo diin ang mga kandidata mismo ang nagtanom og mga seedlings.
Dugang sa gobernador, nga ang pagka-diversify ang usa sa rason nga gipiling destinasyon ang lungsod kondiin gipasinati nila ang sa mga kandidata ang nagkada-iyang practices sama sa mga pakig-uban sa mga tribu, pagsakay sa habal-habal, pagsakay sa baroto , balsahan ug uban pa.
