BUTUAN CITY – Opisyal nang musalmot sa Miss World Philippines 2024 si Krishnah Gravidez isip kandidata sa Baguio City human nga gibuhian ang korona niini isip Miss Charm Philippines.
Kahinumduman nga ning-withdraw sa Miss Charm International 2024 competition ang maong beauty queen kagahapong adlawa.
Sumala sa official post sa Miss World Philippines Organization, duna’y nadugang nga mga beauty queens isip ikaduhang set sa mga contenders nga mosalmot sa maong pageant karong July 19 nga himuon sa Mall of Asia Arena, kinsa mga local ug mga national pageant winners.
Lakip niini sila Eula Arielle Paltep sa Benguet, Mariam Ashraf sa Capiz, Sofi Maxim Margareta Grenmo sa Cebu ug uban pa.
Una nang gibuhian ni Krishnah ang korona niini nga Miss Charm Philippines ning nakalabayng bulan human gitudlo ang pipila ka mga Miss Universe Philippines candidates sa upat ka mga korona nga Miss Supranational Philippines, Miss Eco International Philippines, Miss Cosmo Philippines ug Miss Charm Philippines.
Nakuha usab ni Miss Universe Philippines Top 10 finisher Cyrille Payumo sa Pampanga Miss Charm Philippines crown, apan sumala sa mga organizers, karong tuig 2025 na kini mu-compete tungod kay wala pa man maka-compete si Krishnah
