BUTUAN CITY – Tingkagol na karun sa karsel ang usa ka misis human kini nakuhaan og ilegal nga drugas atol sa gikasang search warrant kagahapon sa alas 4:15 sa hapon sa iyang mismong pinuy-anan sa Purok-4, Barangay Alegria, lungsod sa San Francisco, Agusan Del Sur.
Giila ni Police Major Milan Naz, Officer-in-charge kon OIC sa San FRancisco Municipal Police Station ang suspetsado nga si Gege Rebas, 45-anyos, menyu.
Sa maong operasyon nga gipangunahan mismo ni Police Major Naz, nakuha sa posisyon sa suspek ang 7 ka sachet nga dunay sulod sa gidudahang shabu nga mitimbang og 5 gramos og mikantidad sa 34-mil pesos.
Lakip usab sa nakuha ang gamay nga timbangan og uban pang mga illegal drug paraphernalias.
Sumala pa ni Police Major Naz nga ang suspek maoy gitudlong source sa mga unang nadakpan sa maong lungsod apan wala dayun nila kini na-operisyunan tungod kay mihimo pa sila og validation kung tinood ba nga nalambigit kini sa ilegal nga drogas.
Gipaneguro nalang sa opisyal nga magpadayon ang ilang kampanya batuk sa illegal nga kalihukan.
