Misis og iyang kabit, gipasikop sa usa ka mister sa Butuan City

BUTUAN CITY – Pursigido ang usa ka bana nga kasuhan ang iyang asawa og kabit niini human niya malampusong napasikop sa kapulisan uban sa pag-abag sa ilang kapitan sa Brgy. Pagatpatan ning siyudad.

Nasayrang taud-taud nang namatikdan sa banang gitago lang sa pangalang Leon, 45-anyos, ang daw paglu-ib sa iyang asawang gitago lang usab sa pangalang Josie, 36-anyos, parehong residente sa Purok 5 sa susamang barangay.

Migawas sa iyang pagpani-id nga patulog na matud pa ang iyang asawa, ka-uban ang 31-anyos nga ulitawo nilang silingang si Michael Loquete sa mismong panimalay sa ulahi.

Dali siyang nagpatabang sa ilang kapitan nga si Ramonito Amante kinsa maoy mitawag og mga pulis hinungdan sa parehong pagkasikop sa duruha. (Beth Ruiz)