BUTUAN CITY – Gihukman og kamatayon sa China ang 11 ka miyembro sa Ming family nga gi-ila nga notorious mafia nga nagpadagan sa multibillion-dollar scam industry sa Myanmar.
Gisentensyahan sila sa korte sa Zhejiang province niadtong Septyembre human napamatud-an nga guilty sa daghang kaso sama sa homicide, illegal detention, fraud, ug pagpadagan sa mga gambling dens.
Ang Ming family gilangkuban sa daghang clans nga nagkontrol sa Laukkaing town sa Myanmar, nga gihimong sentro sa mga casino ug sex trade.
Nabungkag ang ilang imperyo niadtong 2023 dihang sila naaresto ug gitugyan ngadto sa China sa mga militias atol sa civil war sa Myanmar.
Ang pagbitay sa mga miyembro sa mafia nagdala og klarong mensahe sa China nga pagpugong sa mga musulod sa mga scam activities.
