BUTUAN CITY – Nakuha sa pambato sa South Korea nga si Mina Sue Choi ang korona isip Miss Earth 2022. Mipatigbabaw kini sa kapin 80 ka kandidata gikan sa nagkadaiyang nasud sa pageant nga gipahigayon sa usa ka hotel resort sa Pilipinas.
Napili usab isip Miss Earth- Air ang pambato sa Australia nga si Sheridan Mortlock, Miss Earth Water usab ang pambato sa Palestine nga si Nadeen Ayoub ug Miss Earth-Fire ang pambato sa Colombia nga si Andrea Aguilera.
Gipulihan sa Miss Korea si Destiny Wagner sa Belize nga gikoronahan niadtong 2021.
Natapos lang sa hangtud top 20 ang pambato sa Pilipinas nga si Jenny Ramp.
Mahinumdumang lima ka higayon nga nakuha sa Pilipinas ang korona nga niadtong 2008 nakuha ni Karla Henry samtang si Jamie Herrel gikoroahan niadtong 2014, Angela Ong usab niadtong 2015 ug Karen Ibasco usab niadtong 2017.
Ang nasangpit nga pageant karung tuiga ang unang higayon nga nakabaton og face-to-face pageant human ang kapin duha ka tuig nga puro virtual lang tungod sa COVID-19 pandemic.
