BUTUAN CITY – Milyones pa nga mga hamtong ang gidasig nga magsugod og sayo sa pag-inom og tambal nga pangpaubos sa cholesterol aron mapakunhod ang risgo sa heart attack ug stroke.
Sumala sa bag-ong medical guideline nga gipagawas sa American College of Cardiology ug ang American Heart Association, uban sa siyam pa ka medikal nga grupo, gipasabot nga ang sayo nga pagtambal sa taas nga cholesterol, bisan magsugod pa sa edad nga 30 — makatabang sa pagpakunhod sa lifetime risk sa heart attack o stroke.
Ang 123 ka palid sa guideline naghisgot sa daghang paagi sa pagdumala sa cholesterol ug triglycerides, apan usa ka klarong mensahe ang giklaro, ang dili na paghulat og dugay adiser pa molihok.
Girekomenda niini ang paggamit sa Statins uban sa pagbag-o sa lifestyle sama sa hustong pagkaon ug ehersisyo, alang sa mga hamtong bisan 30 anyos pa lamang kung sila adunay LDL cholesterol nga 160 milligrams per deciliter o mas taas, kusog nga family history sa sayong sakit sa kasingkasing, o taas nga 30-year risk sa cardiovascular disease.
Sigon ni Dr. Jennifer Haythe, co-director sa Women’s Heart Center at NewYork‑Presbyterian/Columbia University Irving Medical Center, nga kasagaran sauna 10-year risk lang ang ginatan-aw sa mga doktor.
Apan karon, nagbag-o na ang pamaagi ug gitan-aw na usab ang 30-year risk projections.
Sumala pa niini, tinuod ang benepisyo sa pagsugod og cholesterol-lowering medicines sa mas batan-ong edad, kay gipakita sa mga pagtuon nga kung dugay nga makontrol ang LDL cholesterol, mas gamay ang pagtipon sa plaque sa mga ugat, nga makapakunhod sa risgo sa sakit sa kasingkasing.
