BUTUAN CITY- Gipahawa sa militar sa Syria uban sa tabang sa tribal militia ang pwersa sa mga Kurdish gikan sa dagkong bahin sa amihanang Syria sulod lang sa duha ka adlaw, lakip na ang syudad sa Raqqa nga kaniadto kapital sa ISIS.
Gikuhaan sa gobyerno og kontrol ang mga dam, mga umahan ug dagkong oil fields sa Deir Ezzor samtang gipahimutang ang presensya sa mga sundalo sa Aleppo, Raqqa ug Hasakah.
Gipakita sa mga bidyo ug saksi nga ang mga tribu nagselebrar sa kadalanan samtang gipadayag sa mga residente ang ilang pagsuporta sa pag-abot sa militar.
Samtang mipahimangno ang Estados Unidos nga ang kalit nga pagatake makadaot sa kampanya batok sa ISIS, apan gipadayon sa Damascus ang operasyon kansa naghatag og dakong kausaban sa balanse sa gahum sa rehiyon.
