BUTUAN CITY – Gikumpirma sa legal counsel ni Vice President Sara Duterte ang gikatakda nilang pag-atubang sa impeachment trial ug gikumpirma usab sa impeachment court nga ila nang nadawat ang Appearance-Ad Cautelam gikan sa Fortun Narvasa & Salazar law firm.
Ang Appearance-Ad Cautelam, mao ang pagdawat sa kampo ni Duterte sa kaso nga gisang-at batok kaniya, apan wala nagpasabot nga dili nila i-challenge ang legality niini.
Pasabot lamang kini nga gidawat na sa kampo ni Duterte ang kaso, ug i-representa siya sa iyang mga abogado sa impeachment court.
Ang mga abogado nga mo-depensa kaniya mao sila Philip Sigfrid Fortun, Gregorio Narvasa II, Sheila Sison, Carlo Joaquin Narvasa, Roberto Batungbacal, Justin Nicol Gular, Lindon Miguel Bacquel, David Ronell Golla VII, Maria Selena Golda Fortun, Clarlaine Radoc, Francesca Marie Flores, Miguel Carlos Fernandez, Michael Wesley Poa, Reynold Munsayac, Mark Vinluan, ug Ralph Bodota.
Gidawat ang maong Appearance-Ad Cautelam sa Senate Impeachment Court kagahapong adlawa pinaagi sa Senate Secretary.
