-- ADVERTISEMENT --
BUTUAN CITY – Nagsugod na usab pag-aktibo ang Klyuchevskoy volcano sa Kamchatka peninsula sa Russia human mi-igo ang magnitude 8.8 nga linog sa maong peninsula.
Sigon sa United Geophysical Service sa Russian Academy of Sciences, nagbuga og abo ug lava ang maong bulkan pila ka oras lang human sa linog.
Mapalgan ang bulkan sa gilay-ong 450-kilometros sa amihanang bahin sa Petropavlovsk-Kamchatsky.
Ang Klyuchevskoy volcano usa sa mga pinakataas nga bulkan sa tibuok kalibutan.
Ang pagtay-og magnitude 8.8 nga linog sa Kamchatka region, miresulta sa pagkaguba sa daghang dakbalay ug pagka-angol sa pipila ka mga residente apan wala’y natalang patay.
-- ADVERTISEMENT --
Naka-trigger usab kini pag-isyu sa ubay-ubay nga mga nasud og tsunami warning.
