BUTUAN CITY – Posibleng ang kabug-at sa iyang gibati sa iyang tahas nga maglibog siya pagpatuman sulod sa Independent Commission for Infrastructure kon ICI, ang hinungdan nga miluwat na isip adviser niini si Baguio City Mayor Benjamin Magalong.
Sigon ni Engr Dioric Gavino, ang secretary general sa Sara All Movement, posibleng nakita ni Magalong sa dagan sa pila ka adlaw na nilang imbestigasyon, nga ang nagtudlo kaniya sa maong posisyon nga si Pangulong Bongbong Marcos, maoy diay ang duna’y tulubagon sa ilang gi-imbestigahang kaylap nga kurapsyon.
Base matud pa sa iyang nakitang pamahayag ni Mayor Magalong, maklaro nga base sa initial findings sa ilang imbestigasyon, naggikan sa taas nga posisyon ang sistematikong kurapsyon ug tungod kay ma-ulaw siya , rason nga mas gipili na lang niining biyaan ang maong komisyon.
Mas maka-ayo matud pa alang sa maong mayor ang iyang gihimo nga posibleng tungod sa iya nang nadiskubrehan samtang gihimo sa ICI ang imbestigasyon.
Nagtuo si Gavino nga posibleng gidawat lang ni Magalong ang gihanyag kaniyang mahimong kabahin sa ICI, aron makita ang gusto niyang nagpaluyo sa kurapsyon.
Dihang nakita na gust niining makita, mi-exit na matud pa si Magalong tungod kay wala gihapon matud pa’y padulngan ang imbestigasyon.
