BUTUAN CITY – Padayon ang pagpanganaw-kanaw sa mga weightlifters nga gibansay ni Olympic gold medalist Hidilyn Diaz-Naranjo sa Batang Pinoy sa Puerto Princesa, Palawan. Nanguna niini sa Adonis Ramos sa boys 16-17 55kgs. category nga naka-alsa sa kinatibuk-ang 185-kilogams.
Anaa pa sila Maybell Riones sa girls 12 to 13 age bracket, 35 kilogram class; Reyandine Marie Jimenez sa girls 12 to 13 , 40 kgs. class ug Matthew Diaz sa boys 12 to 13-years old -43 kgs kinsa nakahakot na og upat ka mga golds, unom ka silvers ug usa ka bronze medals.
Ka-uban ni Hidilyn ang bana niining si Julius Naranjo nga nagbansay sa mga bata sa gitukod nilang gym sa Jala-Jala, Rizal. Sigon ni Naranjo, nga maoy nag-training kang Hidilyn, nagka-interest ang kabataan pagsalmot sa weightlifting sukad nakasakmit og bulawang medalya si Hidilyn sa Olympics.
