BUTUAN CITY – Na-recover sa tropa sa 65th Infantry ‘Stalwart’ Battalion, ubos sa operational control sa 4th Infantry ‘Diamond’ Division, Philippine Army, uban ang mga personahe sa Bayugan City Civilian Protection and Support ug Philippine National Police ang ubay-ubay ka anti-personnel mines ug mga war materials gikan sa bukirang bahin sa Barangay San Juan, Bayugan City, Agusan del Sur.
Gilangkuban kini sa tulo ka improvised explosive devices, duha ka detonating cords, 14 ka mga blasting caps, tulo ka AK-47 magazines, unom ka rounds sa 7.62x39mm ammunition, ug 24 ka rounds sa 5.56mm ammunition.
Nakumpiska usab sa militar ang assorted medicines, duha ka bandoliers, pack bags, containers nga duna’y sulod nga bugas ug gasolina ingon man mga subersibong dokumento.
Narekober kini human ang pagsumbong sa katawhan ngadto sa kasundaloan.
