-- ADVERTISEMENT --
BUTUAN CITY – Gikampanya karon sa Department of Environment and Natural Resources (DENR) ang paggakos sa punuan sa kahoy alang sa ilang ‘Tree Hugging Campaign’ ning pagsaulog sa Valentines’ day.
Sigon sa ahensiya, migawas sa pagtuon nga ang paggahin og oras sa mga punu-an, makatabang nga mapataas ang oxytocin levels sa tawo, ang hormone aron mahimong kalmado kansa maka-ayo sa emotional well-being.
Gipasabot sa DENR Forest Management Bureau nga ang paggakos sa mga punuan ug paggahin og oras sa palibot sa mga punuan, makapakunhod sa blood pressure ug heart rates, makapakusog sa immunity ug makapakunhod sa stress ug anxiety levels.
Dugang pa sa DENR, bisan unsa nga klase sa punuan nga atong gakson, susamang benepisyo ang ilang mahatag.
