BUTUAN CITY – Mihangyo sa iyang katawhan si Marihatag, Surigao del Sur Mayor Justin Marc Pelenio nga tumanon ang cordon nga gimontar palibot sa mudslide area sa Purok Casting, Brgy. Bayan diin pabilin pang natabunan sa mga lapok, tubig ug dagkong bato ang nahimutangang treasure-hunting site sa unom ka mga minero.
Sa iyang Facebook post, gibutyag sa mayor nga grabe pa kapeligro ang lapukong lugar kondiin humok pa ang yuta niini partikular na ang gitindugang yuta sa mga usyusero nga mao mismo ang midahili.
Delikado matud pa sa mga tawo ang mag-atong sa nagpadayong live-saving operation tungod sa posibilidad nga mahugno kini rasong angayang likayan ang posibleng lain pang disgrasyang matigayon.
Mihangyo usab og pag-ampo ang mayor alang sa malampuson unyang operasyon nga gihimo sa ginsakpan sa Municipal Disaster Risk Reduction and Management Office kon MDRRO, Bureau of Fire Protection kon BFP Special Rescue Unit Team, kapulisan ug 3rd Special Forces sa Philippine Army.
