BUTUAN CITY – Padayon karun ang gihimong pagpalambo sa bag-ong nadiskubreng mga tourist spot nga nahimutang sa Barangay Jaguimitan, Nasipit, Agusan Del Norte.
Sigon ni Barangay Kapitan Ireneo Lauro sa eksklusibong pakighinabi sa Bombo Radyo Butuan nga niadto lang Enero nadiskubrihan ang maong tourist spot human usab gi-feature sa ka vlogger.
Kini gilangkuban sa hanging bridge nga gitukod lang aron makatabok ang mga tawo panahon sa baha. Daghan na kaayu ang mibisita sa maong lugar ilabina sa adlaw nga sabado ug Domingo, diin ang uban gikan pa sa Surigao Del Norte.
Gibutyag ni Kapitan Lauro nga gibisita na usab kini ni Mayor Roscoe Plaza diin misaad nga magbutang og uban pang amenities samtang paningkamutan usab sa barangay nga mahinay-hinayan pagbutang og mga comfort room og suga ilabina kay dunay mag-camping panahon sa gabii.
Base usab sa na-aprubahan nga ordinansa, mokolekta sila og 10 pesos nga environmental fee. Sa laing bahin duna view deck usab sa maong barangay nga ginadayu na usab.
Samtang posibleng karun nga tuig masugdan na ang dalan padulong ngadto sa Tandungan Falls nga seguradong dayuhon usab sa mga turista.
