BUTUAN CITY – Gibarugan sa tanang mga taga Commission on Election nga dili lang personal nga pagpangatake ngadto na kang COMELEC Chairman George Erwin Garcia ang mga isyu nga gibuno ngadto kaniya, kundili atake usab matud pa kini sa kredibilidad sa tibook institusyon sa Commission on Election.
Sumala ni Atty. Geraldine Samson, ang Assistant Regional Election Officer sa Commission on Election Caraga nga gibarugan nila sa ilahang komisyon nga walay basehan ang maong mga tumo-tumo nga isyu, ug tumong lamang matus pa niini nga gub-on ang pangalan ni Chairman Garcia ug sa tibook usab nga komisyon.
Kahibaloan nga nagpagawas na sa ilahang suporta ngadto sa COMELEC ingon man sa Chairperson niini nga si Atty. George Garcia ang tanan nga mga empleyado sa maong ahensya, gikan sa mga regional directors ngadto na sa pinaka ubos nga anaa ilalum niini.
Alayon niini, giawhag usab ni Atty. Samson ang mga katawhan nga timbang-timbangon ug tan-awon sa kritikong pamaagi ang maong mga akusasyon ngadto kanila.
