BUTUAN CITY – Nagpagawas og advisory ang ubang mga Local Government Unit (LGUs) sa Surigao del Sur aron temporaryong isara una ang ilang mga tourist sites tungod sa pagsaka sa kaso sa mga nagpositibo sa COVID-19.
Kini human unang nagpadayag ang Provincial Tourism Office nga abri na ang mga tourism sites sa lalawigan alang sa mga gustong mubisita niini.
Lakip sa mga LGUs nga temporaryong magsira sa ilang mga tourism sites ang Bislig City, Barobo, Tagbina, Cagwait ug ang Tandag City diin hugot nga gibawal ang bisan unsang aktibidad nga makahimo og panagtapok sa mga tawo sama sa beach resorts, parks ug iba pang pampublikong lugar.
Base sa datos sa DOH-Center for Health Development-Caraga muabot na sa 1,652 ang kinatibuk-ang kaso sa COVID-19 sa intero Surigao del Sur, samtang adunay 980 ka kaso ang Bislig City ug anaa sa 549 usab ka kaso ang Tandag City.
