BUTUAN CITY – Padayong gi-monitor sa mga personahe sa Coast Guard Station nga nakabase sa Bislig City ang presensya sa usa ka saltwater crocodile nga anaa sa kadagatan sa Picop Pier, sa maong siyudad sukad pa ning mi-aging adlaw partikular sa Brgy. Danipas.
Alayon niini, gipanawagan sa maong istastyon ang katawhan nga likayan una ang pagkaligo sa maong lugar o kaha ang pagpangisda.
Kini ilabina nga ilado ang saltwater crocodile nga pinakadelikado ngadto sa mga tawo tungod kay naila na sila nga mu-atake sa mga tawo.
Alayon niini, giklaro sa lokal nga kagamhanan nga wala’y angayang kabalak-an ang katawhan tungod kay giplano na sa mga hingtungdang ahensya angayang himoon sa ingon maseguro ang kaluwasan sa katawhan og maplastar usab sa luwas nga lugar ang buaya ilabina sa iyang wildlife habitat. (Beth Ruiz)
