Mga residente sa Caraga nga apektado sa LPA, gipa-alerto na

BUTUAN CITY – Gipa-alerto na sa Office of the Civil Defense kon OCD-Caraga ang katawhang nagpuyo sa mga lugar nga dali rang mabahaan og dali rang madahili-an sa yuta subay na sa nagtunhay karong low pressure area nga nasulod sa inter-tropical convergence zone kon ITCZ.

Apil sa gipa-alerto ang mga local disaster risk reduction and management councils kon LDRRMCs alang sa mga posibleng pagbaha og pagdahili sa yuta.

Sa ilang gipagawas nga general flood advisory no. 13 kaganinang buntag, gipadayag sa maong ahensya nga tungod sa daut nga panahon, makasinati og hinay ngadto sa igo-igong gikusgon sa pag-ulan nga posibleng magpalapaw sa tubig-baha diha sa kasubaan og sa mga tributaries niini sa tibuok rehiyon. (Beth Ruiz)