Mga rebulto sulod sa simbahan sa Negros Occidental, gipangbu-ak sa usa ka tricycle driver

BUTUAN CITY – Tingkagol na karon sa karsel sa Binalbagan, Negros Occidental ang usa ka lalaki human niini hag-as nga gipangbu-ak ang mga rebulto sulod sa San Isidro Labrador Parish Church atol sa misa kagahapon sa alas-7:15 sa buntag.

Apil sa gipangbu-ak sa suspetsadong si Rolly Semira, 39-anyos, usa ka tricycle driver ug residente sa Brgy. San Teodoro, ang mga rebulto ni San Jose, San Isidro Labrador, Immaculate Conception, usa ka crucifix ug 2 ka anghel.

Gibutyag ni Semira nga gimanduan matud pa siya ni Allah nga bungkagon ang maong mga rebulto.

Gibutyag usab ni Fr. Leopoldo Cahilig nga pasakaan nila og kaso si Semira nga paglapas sa Article 132 sa Criminal Code of the Philippines tungod sa pagbulabog niini sa ilang religious worship.