BUTUAN CITY – Gipatuman sa Police Regional Office kon PRO-13 sugod karong adlawa ang makatarunganong pagpakatag sa mga pulis atol sa pagsugod sa school year 2025-2026 karong adlawa, Hunyo 16, 2025.
Sa gipahigayong press conference, gipasabot ni Police Regional Director Brigadier General Christopher Abrahano, nga makaratunganong pagpakatag ang iyang ipatuman tungod kay ibase kini sa ilang ratio nga 1:700 kon usa ka pulis ang magbantay sa 700 ka mga tawo.
Tungod niini, dili tanang eskwelahan ang mabutangan ug pulis aron lang mamintina ang kahapsay ug kalinaw ilabina niadtong mga lugar kansang tunghaan prone sa mga kremin ug disgrasya.
Nanghatag usab sila og libreng Blood Pressure (BP) monitoring ngadto sa mga ginikanan sa mga estudyante sa Ambago Integrated School, samtang duna usa’y naghulat nga ambulansya sa gawas nga bahin aron duna’y magamit higayong duna’y emerhensiyang mahitabo. .
