BUTUAN CITY – Dili na kinahanglan pang magbayad og tax si Paris Olympics gold medalist Carlos Yulo gikan sa mga nadawat niining premyo ingon man donasyon.
Sumala ni Bureau of Internal Revenue (BIR) Commissioner Romeo D. Lumagui Jr., exempted si Yulo mula sa tax sa mga nadawat niining premyo sumala sa nakalatid sa National Internal Revenue Code (NIRC).
Ilawom sa maong tax code sa Pilipinas, dili matud pa patunga’g buwis ang tanang premyo sa mga Pilipinong atleta nga ningdaug sa bisan unsa mang local ingon man international sports.
Dugang pagtin-aw sa tax chief, nga ang balor sa mga kabtangan nga nakuha pinaagi sa regalo kay dili usab mamahimong i-uban sa kinatibuk-ang kita sa mga nakadawat niini, sama ni Yulo, rason nga dili usab kini mamahimong patungan og buwis.
Gitambagan usab sa tax chief ang Pinoy gymnast nga niining dili ideklara ang mga nadawat niyang regalo sama sa mga sasakyan, balay, ug uban pa isip lakip man kini sa iyahang kinatibuk-ang kita.
