BUTUAN CITY – Gipanawagan na sa Philippine Embassy sa Thailand ang mga Pilipinong apektado sa bangi karon tali sa Thai ug Cambodian militaries sa ilang border nga muhikling bisan pa man sa gipatumang ceasefire ilabina nga duna gihapo’y natalang pagpabuto matud pa sa mga sundalo sa Cambodia.
Sigon ni Bombo international correspondent to Thailand Bien Balasa, normal lang ang ilang inadlaw-adlaw nga panginabuhi sa capital Bangkok tungod kay layo ra kaayo ang probinsya nga apektado sa kagubot nga sa sinugdanan ilang gikabalaka ug naghatag kanila og kakulba.
Ang ila lamang gihimo karon nga wala sila’y dapigan ilabina nga mga langyaw sila nga igo lang nanarbaho sa maong nasud.
Wala’y matud pa’y angayang kabalak-an kadtong duna’y mga kabanay sa Thailand tungod kay matag-karon ug unya nga nakig-alayon kanila ang taga-Philippine Embassy aron sutaon ang ilang sitwasyon.
Kini gawas pa sa kamatu-uran nga layo ra sila sa border tali sa Cambodia tungod kay dili sila apektado sa kagubot.
Kahinumduman nga niadtong Hulyo 24 dihang nagsugod ang bangi sa Cambodia ug Thailand nga miresulta sa kamatayon sa kapin 40 ka mga tawo ug liboan ang mga nadislokar nga mga sibilyan.
