BUTUAN CITY – Hilabihan ang pagpasalamat sa pipila ka Filipino nga atua karun sa Florida, USA human sila naka-survive sa kusog nga ulan og hangin nga hatud sa ni hurricane Irma.
Sa pakighinabi ning sibyahan kang Floregel Orejas, usa ka Butuanon nga nakabana ug Amerikano ug 13 ka tuig nang nagpuyo sa Manatee County, Florida, unang higayon niya kining nakasinati ug kusog nga pagbundak sa ulan ug paghuros sa hangin tungod kay na-apil man ang ilang lugar sa category 2.
Apan ang labing gikahadlok ni Orejas mao ang storm surge bisan paman ug layu lang sila sa baybayon.
Sa karun, dili na kaayu kusog ang hangin apan dili pa gihapon silang luwas nga mugawas sa panimalay. Ug tungod sa walay kuryente, sa online ra sila manguha ug mga impormasyon kung unsa nay nahitabo sa palibot.
Hinoon, adiser pa ang paghapak sa bagyo, naka-andam na sila sa mga pagkaon ug mainom. (Rolan Janea)
