BUTUAN CITY – Gi-ila ug gisaluduhan ni Pangulong Ferdinand Marcos Jr na ang mga Pilipinong kada-adlaw nga patas nga nakigbisog sa kinabuhi.
Gibutyag sa presidente nga ang tinuod nga diwa sa kagawasan, makita sa matag-Pilipinong isog nga nakigbisog kada-adlaw. Kini ang mensahe ni Pangulong Ferdinand Marcos Jr. sa pagsa-ulog ning adlawa sa ika-126 nga anibersaryo ng Independence day.
Gibutyag sa Pangulo nga gikan sa kada-adlaw nga pakigbisog sa ordinaryong Pilipino nga kugihan, isog ug kusgang mi-atubang sa mga hagit matag adlaw dinhi sya nakakuha ug inspirasyon.
Gi-ila usab sa Presidente ang kalig-on sa mga sundalong Pilipino nga matud niya padayon nga naghatag ug proteksyon sa matag pulgada sa atong teritoryo. Matod niya nga lig-on ang ilang pagtuo nga dili gyud magpasakop ang mga Pilipino sa pagpanglupig.
Gihatagan usab og pasidungog sa Presidente ang mga mag-uuma ug mangingisda nga nanghatag og pagkaon sa mga Pilipino ingon man ang dedikasyon sa mga magtutudlo nga matud pa niya maoy nagpanday sa hunahuna sa umaabot nga henerasyon.
